Svarta Pakkhúsið er opið alla daga frá kl 13-17

INNRÖMMUN

Innrömmun Suðurnesja hefur hafið starfssemi á ný að Mardal 9 í Innri Njarðvíkum. Ef einhverjum vantar einhverja aðstoð nú fyrir Ljósanótt getur sá hinn sami haft samband við Gunnar í síma 694-3160. Hann ætlar að hafa opið frá 13-18 mánud. - föstud. og eftir samkomulagi á morgnana ef þarf.

Spjaldskrá - Handverk

Quick Links

Aðstoð óskast!

Fréttir og tilkynningar

Eins og undafarin ár verður samsýning okkar haldin í fremri sal Svarta Pakkhúsins Hafnargötu 2 á Ljósanótt. Miðað verður við eitt verk á hvern sýnanda. Þeir sem hafa áhuga á að taka þátt eru hvattir til að skila inn verkum dagana 29, 30 og 31 ágúst ásamt upplýsingum um sýnanda heiti verks og verð ef það er til sölu. Við verðum við milli kl. 20 -21 öll kvöldin. Líka er hægt að skila þeim að degi til. Blað mun liggja fyrir á staðnum og verða allir að skrá sig á það svo hægt sé að skipuleggja yfirsetu yfir Ljósanæturhelgina því allir sem taka þátt verða að leggja eitthvað á sig.

Einnig er fyrirhugað að vera með tjald í portinu. Þau ykkar sem hefðu áhuga á að vera í því er bent á að hafa samband við Harald Gunnarsson í síma 859-2100 og láta skrá sig! 20-22 pláss verða í boði gegn vægu gjaldi og tjaldið væntanlega sett upp á fimmtudegi og opnað um kvöldið 18-22 ? Það verður ekki tekið niður fyrr en á sunnudagskvöld.

Aðalfundur Félags Myndlistamanna í Reykjanesbæ var haldinn í bíósalnum í DUUS húsum þann 26. maí síðastliðinn.Í tilefni 15 ára afmælis félagsins var boðið upp á afmælistertu og kaffi í lok fundar. Því miður var frekar dræm mæting en þó verður að taka tillit til þess að við þurftum að halda þennan fund inn í miðri kosningabaráttu samkvæmt lögum félagsins. Mættir voru 25 með stjórn af um 180 félagsmönnum ....... :(

Sjá myndir hér>>

Eldri tilkynningar

Athygli er vakin á því til þeirra sem nota stundum salinn okkar á Ásbrú(Listasmiðjunni) að frá 10. maí til 29. júní verða flestir dagar vikunnar uppteknir frá klukkan 9 til 14 vegna kennslu á vegum MSS. Þetta er vegna aðstöðuleysis þeirra til mynd og handíðakennslu og samstarfs okkar á milli að FMR veitir þeim aðgang að sinni aðstöðu. Vonandi verður þetta ekki til vandræða fyrir neinn félagsmann.

FMR óskar eftir hugmyndum frá ykkur í sambandi við námskeið í haust þ.e hvað viljið þið. Sendið okkur póst með beiðni ykkar um námskeið í hverju sem er og út úr því verður unnið. Smellið á rennu í vinstra horni eða sendið beint á fmrrnb@gmail.com

Ábending til þeirra sem eiga verk uppfrá eftir námskeið frá síðasta vetri. Vinsamlegast nálgist verkin ykkar sem fyrst því félagið getur ekki ábyrgst þau. Listasmiðjan er ekki geymslustaður heldur kennslustaður og verkin eru bara fyrir. Ef ykkur þykir vænt um verkin ykkar sækið þau þá STRAX eða í síðastalagi fyrir haustið áður en kennsla hefst

Stjórn FMR

vefumsjón H. Árnason

Félag myndlistamanna ætlar að bjóða upp á andlitsmálun á laugardegi Ljósanætur milli 14 og 17. Við óskum sérstaklega eftir sjálfboðaliðum til að taka þátt í þessum gjörningi með okkur til að létta aðeins á stjórninni því í nógu er að snúast fyrir hana á Ljósanótt. Ef einhverjir þarna úti hafa gaman af börnum og vilja rétta okkur hjálparhönd vinsamlega hringið í síma 661-3572 (Inga Rósa) og skráið ykkur!!!

Koma svo listafólk tökum þátt í Ljósanótt saman